Čovjek čiju su igračku karijeru obilježile i četiri godine u kojima je nosio naš dres, i lavovski se borio pod koševima, čime je stekao veliku ljubav i priznanje naših navijača.
Milojević, koji je tih godina bio naš najbolji igrač, 2001. godine učestvovao je u osvajanju duple krune u tadašnjoj Yuba ligi, kao i u Jugoslovenskom kupu.
Branio je „plavo-bijele“ boje i u tri sezone najjačeg evropskog takmičenja – Evrolige.
Na kraju svoje košarkaške karijere, otisnuo se u trenerske vode, gdje je sa velikim uspjehom vodio ekipu Mega Basketa.
Pod njegovom trenerskom palicom čak 11 igrača je draftovano u NBA ligu, a svakako najpoznatije ime je Nikola Jokić, trenutno jedan od najboljih košarkaša u svijetu.
U svojoj trenerskoj kampanji imao je priliku da vodi neke naše aktuelne košarkaše, pa je tako sarađivao sa Nikolom Ivanovićem, Danilom Nikolićem, Petrom Popovićem, Zoranom Nikolićem.
Našem novom treneru želimo puno uspjeha u daljem radu, da nas vodi na isti način na koji nas je predstavljao noseći naš dres, a poznajući njegovo poznavanje košarke, pedagoški pristup, temperament, nemamo sumnje da su pred nama uspješne sezone.
Dejan Milojević će biti predstavljen u 18 časova na pres konferenciji.
Izvor: KK Budućnost
